Dell XPS!!!!?>

Kompania Dell që një kohë është duke shtyrë paralelisht brendin e saj XPS, nën të cilin prodhon kompjuterë jashtëzakonisht të fuqishëm të dedikuar për lojëra, dhe Alienware, kompaninë e cila e bën të njëjtën gjë, e të cilën e ka blerë në vitin 2006. Tani, ndoshta ka ardhur koha që të heq dorë nga XPS-i.
Në fakt, sipas Wall Street Journal, Dell do të ndalojë së shituri katër modele të kompjuterëve desktop dhe do të orientohet ekskluzivisht në Alienware. Është krejt e mundur, edhe pse ende nuk është konfirmuar zyrtarisht, që kompjuterë të ri XPS desktop nuk do të ketë më.

Nuk dihet se çfarë do të ndodhë me laptopët nga seria XPS, por disa nga modelet e fundit edhe ashtu nuk kanë qenë të dedikuara për adhuruesit e flaktë të lojërave kompjuterike; Dell XPS 1530 e 1330 më shumë janë një lloj kompromisi në mes të elegancës dhe fuqisë, derisa vetëm modeli 1730 mund të matet deri diku me laptopët Alienware.

Në çdo rast, edhe pse kompjuterët XPS kanë qenë të pranuar në mënyrë solide, dhe kanë sjellë inovacione të caktuara në treg, nuk mund të themi se ankohemi tepër për këtë hap, sepse Alienware ka modele njëjtë të mirë dhe të fuqishëm. E vetmja gjë që mungon është të dalin shitje edhe tek ne ...